काठमाडौँ : नेकपा एमालेका नेता महेश बस्नेतले काठमाडौँ महानगरपालिकाका नगर प्रहरी प्रमुख राजु पाण्डेलाई तत्काल निलम्बन गरी कारबाही गर्न माग गरेका छन्।
बस्नेतले सामाजिक सञ्जालमा लेख्दै पाण्डेले कानुनी दायित्व पूरा नगरी मेयर बालेन शाहको “कारिन्दा” बनेको आरोप लगाए। उनले प्रमुख प्रशासकीय अधिकृतलाई कार्यालय जान अवरोध गर्नु र घरपकड गर्नु गैरकानुनी भएको जिकिर गर्दै, महानगर प्रहरी ऐन २०८० र मुलुकी अपराध संहिताको उल्लंघन भएको उनले बताए।
काठमाण्डौं महानगरपालिका महानगर प्रहरी सेवालाई व्यवस्थापन गर्न बनेको महानगर प्रहरी ऐन २०८० को दफा १८ को उपदफा ३ मा महानगर प्रहरीले पालना गर्नुपर्ने आचरण, अनुशासन र आन्तरिक व्यवस्थापनको कुरामा वाहेक नगर प्रहरीको समग्र परिचालन प्रत्यक्ष रेखदेख र नियन्त्रण प्रमुख प्रशासकिय अधिकृतले गर्ने छ भन्ने स्पष्ट कानूनी व्यवस्था रहेको छ ।
साथै मुलुकी अपराध संहिता २०७४ को दफा ६६ र ८६ मा समेत कुनै राष्ट्रसेवकले आफ्नो पदिय कर्तव्य पालन गर्दा त्यस्तो काममा मद्दत दिनुपर्ने कानुनी कर्तव्य भएको व्यक्तिले त्यस बमोजिम मद्दत दिन इन्कार गर्नु हुँदैन साथै उक्त उपदफा १ बमोजिमको कसुर गर्ने व्यक्तिलाई ६ महिना सम्म कैद वा ५ हजार रुपैंया सम्म जरिवाना वा दुवै सजाय हुनेछ ।
उल्लेखित कानुनी दाइत्व र कर्तव्य पुरा नगरी वालेन शाहको कारिन्दा बनेर प्रमुख प्रशासकीय अधिकृतलाई कार्यालय जाँदा अवरोध र घरपकड गरेकोले निज राजु पाण्डेलाई तत्काल निलम्बन गरी हदै सम्मको कार्बाही गर्न प्रमुख प्रसासकिय अधिकृत सरोज जी मार्फत अनुरोध गरिन्छ ।
